[A:165b] khyab pa yang shes par bya'o/ /gzhan yang bdud dang mon pa ltar sgrub pa sogs ni/ snga ma de bzhir ma 'dus pa'i sgrub tshul gyi dbye ba phra mo gzhan yin no/ /don de dag la dgongs nas mgon po'i chos skor gyi dri ba lhag bsam rab dkar las/ snyan brgyud gnyis pa gdams pa'i rnam grangs skabs/ /pho rkyang sgrub lugs rnam bzhi'i khyad par 'di/ /bsgrub bya lha yi rnam 'gyur gyis dbye bam/ /bdag mdun la sogs sgrub tshul sgo nas 'byed/ /so sor 'dogs pa'i nges tshig gang yin dang / /gzhan yang bdud dang mon pa ltar bsgrub sogs/ /dam pas mdzad par grags pa'i gshin rje ltar/ /bsgrub pa'i yi ger bshad pa ji ltar lags/ /zhes gsungs pa'i dgongs don yang gsal bar byas pa yin no/ /gnyis pa mo rkyang du bsgrub pa la/ nang pa ltar bsgrub pa dang / phyi pa mu stegs pa ltar bsgrub pa gnyis/ dang po la 'jam rtsub gnyis yod de/ e ka dza Ti'i lto bar sa bon