[A:166a] bhyoHlas bskyed pa 'jam lugs dang / de'i snying khar sa bon ma~M las bskyed pa rtsub lugs so/ /gnyis pa phyi pa la yang 'jam rtsub gnyis yod par bshad/ dam pas mo rkyang sgrub lugs bzhi'i dbye ba zhes bshad pa yang / phyi nang la 'jam rtsub gnyis gnyis te bzhi po 'di tsam yin par sems so/ /yum 'khor dang bcas pa zhes bshad pa ni/ lha mo nyid bka' nyan gyi 'khor tshogs ma mo bcu dgu dang bcas te bsgrub pa la zer ba yin no/ /'on kyang 'di ni mo rkyang du 'khrul par mi bya ste/ mo rkyang gi don ni gnya' gnon du mgon po yang med/ rang gi bka' nyan gyi 'khor yang med par lha mo rkyang pa bsgrub pa la bya'o/ /phyi pa dang nang pa'i don la kha cig yum chen gyi sku'i phyi ru lha mo bskyed pa la phyi pa dang / nang du bskyed pa la nang pa zhes pa'i tha snyad zer ba ni mi 'thad de/ dam pa