[A:5b]tshod chen po yod gsungs pa dang / rnam pa thams cad du thugs rje'i spyan ras kyis lhag par gzigs pa dang / chos dang zang zing gi bka' drin tshad med pa skyong ba ni sras kyi mthu bo 'di nyid rdo rje 'chang chen po'i rgyal tshab tu gyur te/ mtshungs pa med pa'i 'chad rtsod rtsom gsum gyi sgo nas spyi sgos kyi bstan pa rgyas par mdzad pa'i bstan 'dzin mchog tu lung bstan pa yin no/ /nyid kyi zhal nas/ de ltar dkon mchog gsum dngos rdo rje 'chang / /bsam 'phel dbang gi rgyal po rigs brgya'i mgon/ /bka' drin mnyam med rje btsun gang de yi/ /zhabs sen dbang gi rgyal por phyag bgyi 'o/ /gang gi dang por sdom gsum bka' drin stsal/ /bar du ma nor legs bshad snang ba bstan/ /tha mar chos dang zang zing du mas bskyangs/ /de slad dngos po kun gyi snying nas 'dud/ /da dung bla med byung chub ma thob par/ /tshe rabs kun tu drin can chos kyi rje/ /khyed las gzhan pa'i skyabs mgon ma mchis pas/ /tshad med thugs rje'i spyan gyis gzugs su gsol/ /zhes gsungs so/ de nas dgung lo bco brgyad bzhes pa'i steng du/ 'dren mchog rin chen sku gshegs pa'i tshe/ nye gnas pa la sogs pa ni gzhan du longs spyod la g.yengs/ zla ba du ma'i bar du sku gdung gi drung du nyin mo rdo rje 'dzin pa gzhan dang mnyam du