[A:8b]gsung ngag rin po che chos skor yongs rdzogs gtso bor gyur pa'i sde snod gsum dang / rgyud sde bzhi dang 'brel ba'i dbang / rjes gnang / rigs gtad/ mdo bshad/ rgyud bshad/ lung man ngag sogs kyi bsdus pa'i chos tshul rgya mtsho lta bu zhig mnos par mdzad de zhib par ni gsan yig chen mo thub bstan rgyas pa'i nyin byed las shes par bya'o/ /de ltar gang gsan pa'i chos de thams cad kyang thos pa tsam du ma bzhag gi dang po gsan pa nyid nas tshig snga phyi'i 'brel dang / don gyi cha dag la bsam byung gi rigs pas legs par dpyad de gzhan gyis mi 'phrogs pa'i nges shes gting nas brnyed par mdzad pa dang / phyag len mthong ba brgyud pa tshun chad par btab pa ltar thugs la bzhugs par mdzad pa yin no/ /zhes thos so/ bzhi pa thos bsam mthar phyin nas bsgom pa nyams bzhes ji ltar mdzad pa'i tshul ni/ spyir bdag nyid chen po'i 'dis lam gyi nyes len thams cad la dbang gi ye shes kyis rtsis zin pa'i lta ba bde stong zung 'jug gi rgyas btab nas nyams su len par mdzad cing / de yang phyi bskyed pa'i rim pa bsgom pa'i tshe sgra tshul dang mngon byang la sogs pa'i bskyed chog thams cad sbyang gzhi sbyong byed sbyor ba la gnad du bsnun nas bsgom pas rags pa phung khams bskyed byed dam/ snang grags kyi chos thams cad lha dang sngags kyi rnam rol du 'char/ nang bskyed pa'i rim pa bsgom pa'i tshe/ 'khor lo lnga dang yul chen nyi shu rtsa bzhi la sogs pa'i rtsa thig rlung gsum la gnad du