[A:8a]slob bshad kyi tshul gyis cis phyin par gnang ba dang / khyad par sa lo nyid kyi gsung ngag zhig gnang dus/ khyod kyis lam 'bras pa 'di rnam la lU hi pa'i dbang bskur gcig gis gsungs thams cad mkhyen pa de nyid kyi gdul bya rnams kyi rdo rje slob dpon du bkas gnang ba dang / gnas skabs thams cad du mkhas btsun bzang gsum gyi 'khor ji tsam tshogs kyang / dam pa 'di nyid la spyan 'gros legs par gzigs pa dang / gsung snyan par snang ba la sogs pa thugs brtse bas rjes su 'dzin pa kun la grags shing / rje sa lo ngor na bzhugs skabs ngor dpe khang du phebs pa'i tshe/ rig gnas mtha' dag gi dpe tshogs rnams la gzigs te/ 'di rnams la bed spyod thub pa zhig khyed la re'o/ blo khur bskyed cig ces sogs gsungs pa ni rgyal ba rdo rje chen po'i rgyal tshab tu gyur nas rigs gnas mtha' dag la dbang 'byor te/ skal ldan gyi gdul bya mtha' dag gi 'dren pa dam par lung bstan pa yin no zhes thos so/ /gsum pa dge ba'i bshes gnyen gzhan yang ji ltar bsten pa'i tshul ni/ de ltar gong du smos pa'i yongs 'dzin de rnams ni bka' drin mchog tu che ba rnams yin la/ gzhan yang rje ri khrod pa kun dga' mchog ldan/ rje lha mchog sengge / chos rje nam mkha' dpal bzang / 'jam dbyangs nam mkha' bstan pa sogs mkhas grub kyi bla ma mang du bsten nas mdo rgyud ma lus pa'i zab don gcig tu 'dus pa bstan pa yongs rdzogs kyi nyams len