[A:9a]bsnun nas bsgom pas phra ba dkyil 'khor bzhi'am/ tha mal gyi snang ba sku bzhi'i ye shes lngar byin gyis rlobs/ rdzogs rim nyams su len pa'i tshe rgyud sde zab mo nas gsungs pa'i rtsa rlung thig le'i rnal 'byor dang / rdo rje lus kyi 'khrul 'khor la sogs pas gzung 'dzin bskyed pa'i rlung sems dbu mar bcug ste/ bde stong mchog gi ye shes mngon du mdzad nas mchog tu mi 'gyur ba'i bde ba chen po las ma g.yos par dus rtag tu bzhugs pa yin la/ de ltar rim gnyis zab mo'i nyams len bsam gyis mi khyab pa la dus rgyun du btson pa'i stobs kyis/ lus nyams dang / sems nyams dang / gzhan sems shes pa'i mngon par shes pa'i mngon shes la sogs pa'i yon tan dpag tu med pa la dbang 'byor ba yin no/ /khyad par dgung lo nyer gcig bzhes pa glang gi lo mus rta mo gling dgar rje btsun sangs rgyan rin chen pa'i zhal snga nas bka' lung dang bslab bya gnang / mthun rkyen sbyar te aShTa'i gsung bsnyen/ bde mchog nag po pa'i gsung bsnyen/ mgon po'i gsung bsnyen sogs/ gzhan yang e waM gser sku lha khang du gsang 'dus kyi gsung bsnyen/ gshed dmar lha lnga'i gsung bsnyen/ 'jigs byed kyi gsung bsnyen/ kun rig gi gsung bsnyen/ tshe dpag med lha dgu'i gsung bsnyen/ sgrol dkar gyi gsung bsnyen/ 'jam dbyangs dmar ser gyi