[A:9b]gsung bsnyen/ tshe sgrub zab mo'i gsung bsnyen/ dbyangs can lha mo'i gsung bsnyen la sogs pa bsnyen bsgrub thams cad grangs dang mtshan ma'i bsnyen pa dge ltas mngon du ma gyur gyi bar du mdzad de/ yi dam gyi lha thams cad dang dbyer med du bzhugs pa dang / lhag par 'jam dbyangs dkar po'i gsung bsnyen mdzad dus ma sha ka la myu gu byung zhing zhal yang gzigs pa yin la/ rjes thob tu chos thams cad rmi lam smyu ma lta bu'i ngang nas chos 'chad pa dang / gsung rab rtsom pa la sogs pa'i sgo nas dus 'da' bar mdzad pa ma gtogs/ 'jig rten gyi bya ba ngan pas g.yengs ba dang / tha mal du skad gcig tsam yang bzhugs pa mi srid do/ /khyad par rjes thob skye bus dben pa'i gnas skabs thams cad du gtong len byang chub kyi sems la nan tan du mdzod de/ sku lus nyams nga ba'i rnam par bzhugs pa 'phral du sku mdun du phyin pa rnams la mngon du gyur pa dang / rje btsun gyi mgur las/ bdag gcig pu thar pas phan pa med/ /khams gsum gyi sems can pha ma yin/ /pha ma sdug bsngal gyi sib tu bzhag /bdag bde bar 'dod pa the le le/ /zhes gsungs pa ltar sems can thams cad pha mar ma gyur pa med cing / ma'i drin lan mtha' dag bskal pa'i bar du brjod kyang mi rdzogs/ 'dzam gling gser gyis bkang nas byin yang drin lan khyer bar mi nus pas/ dam pa'i chos kyis drin lan 'jal bar dgongs te/ byams pa