[A:10a]dang snying rje chen pos kun nas blangs te byung chub kyi mchog tu sems bskyed nas/ rdzogs pa'i byang chub bsgrub pa'i thabs kyi gtso bo bdag gzhan mnyam pa bsgom pa/ brje ba bsgom pa las dus brtag tu ma g.yos bzhin du rgyal sras kyi spyod pa pha rol tu phyin pa drug dang / bsdu ba'i dngos po bzhi la sogs pa'i spyod pa khyad par can rnams nyams su len pas dus 'da' bar mdzad pa dang / rang nyid la byung chub kyi sems rin po chen thugs la 'khrungs pa'i stobs kyis/ rgyal sras chos rdzongs pa la sogs pa byang chub kyi sems la nan tan du mdzad pa'i skyes bu dam pa rnams la lhag par gus pa dang / 'gro ba mtho dman gang gzigs kyang phan par bzhed pa'i lhag bsam dang snying rje chen po rgyun ma chad par 'byung zhing / byams pa'i spyan 'gros legs par gzigs pa dang / snyan pa'i gsung gnang ba dang / rang rang blo dang 'tshams par chos dang zang zing gi tshim par mdzad pas drung du 'dug pa kun lo dang zla ba la sogs pa'i bar du bsdad kyang yid ches pa dang ngom pa med pa dang / bla ma 'dis sku gsung thugs kyi mdzad spyod la nyes pa'i skyon 'di lta bu zhes sus kyang ma mthong zhing / bdag kho na la dges pa zhig 'dug go snyam pa dang / 'bral mi phod pa'i bsam pas phyir mig blta bzhin pa'i ngang nas 'gro ba la sogs pa thams cad la 'byung ba yin no/ /zhes thos so/ /lnga pa mkhas btsun bzang gsum