[A:19a]su sbrul lo sa ga zla ba'i tshes bcu bzhi'i bar du gnang / gzhan yang dge tshul nyis brgya lhag tsam dang / bsnyen rdzogs pa brgya sum cu tsam dkyus thog gcig la bsgrub pa'i mkhan po mdzad/ gzhan yang dbang rjes gnang du ma dang / kun mkhyen rin po che'i bka' 'bum sogs lung gi skor mtha' yas pa bka' drin bskyangs/ zla ba drug pa'i ngo gang la rtsa rgyud brtag pa gnyis pa'i bshad bka' shin tu rgyas pa rgyud gsum 'ba' zhig gi steng nas gnang / gzhan yang kun tu dgos pa'i gzhung bdun/ 'grel pa dag ldan 'phags pa'i bsdus don mchan bu rnams kyi steng nas bshad bka' shin tu rgyas pa bskyor chos su gnang / gzhan yang lam skor phyi ma brgyad kyi khrid/ byin rlabs/ de skor gyi yig cha'i lung rnams bka' drin tshad med pa bskyangs so/ /de nas 'bras yul skyed mos tshal du kun mkhyen shes rab 'od zer gyi dngul gdung la rab gnas dang / dge 'dun tshogs pa la chos 'khor bskor ba la gsol ba yang yang du btab nas/ zla ba bdun pa'i tshes gsum la shar du phebs/ rab gnas dang skyid tshal gong 'og tu chos 'khor bskor grub nas/ rin spungs sde srid yab yum la bka' chos thugs kha tshim pa gnang / bkra shis rdzongs kha lcags su bka' dbang gnang rjes/ tha skar zla ba'i tshes bzhi la e waM chos ldan du dge 'dun chos sde'i bsu ba dang bcas te phebs so/ /tshes