[A:18b]thams cad mkhyen pa'i gsung bzhin dang du blangs te/ sde 'khrug nye bar zhi nas 'gro ba ma lus pa phan bde la 'god par mdzad pa yin no/ /de nas 'brug lo zla ba brgyad pa'i nyer lnga'i snga dro/ bla ma rin po che lung rigs rgya mtsho 'dren mchog dam pa de nyid dang mjal skabs/ lo chen ranta bha dra dang / chos rgyal nam mkha' tshe dbang rdo rje sogs kyi byang phyogs su 'chad nyan rgyun bsring dgos tshul bka' phebs nan can byung na'ang / chos kyi thug pa 'phags pa 'jam dpal dang / nya mo'i thug pa gangs dkar te se yin bsam zhabs drung bsnyags pa yin lags pa gsungs/ chos kyi bka' drin blo kha tshim pa rang mkhyen zhus pas/ da ka 'phags pa 'jam dpal kho rgas gda' 'byon pa phyis pa nas dgongs pa bzhin yong ba dka'/ chos 'bul gang thub dag los byed de gsungs/ de dus nas myur du phebs pa la thugs rtse gtad 'dug go /de nas ston chos skabs su bdag chen rin po che kun dga' rin chen pa'i gtsos pa'i tshogs pa rnam la dag pa gsum gyi khrid/ dbang rjes gnang / lung gi tshogs du ma bka' drin bskyangs/ lo de'i zla ba bcu gnyis pa'i nyer lnga la gsung ngag rin po che btsugs nas dge 'dun tshogs pa brgyad brgya kha char gsung ngag shin tu rgyas pa/ dbang gong ma'i khrid cha lag yongs su rdzogs pa lung gi skor dang bcas pa dang / khog phub sogs la bskyor chos