[A:2a]chen po rdo rje 'chang dkon mchog lhun grub ces snyan pa'i grags pas sa steng ma lus pa khyab pa de nyid kyi rnam par thar pa mdo tsam spel ba 'di la don bcu ste/ sku skye pa ji ltar bzhes pa'i tshul/ sangs rgyas kyi bstan pa la ji ltar bzhugs pa'i tshul/ dge ba'i bshes gnyen ji ltar bsten pa'i tshul/ thos bsam mthar phyin nas bsgom pa nyams bzhes ji ltar mdzad pa'i tshul/ mkhas btsun bzang gsum gyi yon tan ji ltar brnyes pa'i tshul/ 'chad rtsod rtsom gsum gyi bstan pa'i bya ba ji ltar mdzad pa'i tshul/ mkhas btsun bzang gsum gyi slob ma ji ltar bskrun pa'i tshul/ rnam dkar gyi phrin las gzhan yang ji ltar mdzad pa'i tshul/ gzugs sku chos dbyings su ji ltar thim pa'i tshul/ mdzad pa phrin las kyi 'khor lo rgyun mi chad pa ji ltar byung ba'i tshul lo/ /dang po ni/ 'gro ba rnams kyi 'dren pa dam pa rje btsun e waM pa chen po 'di gang du skye ba bzhes pa'i gnas ni/ mkhas pa dang grub pa'i skyes bu rgyun mi 'chad pa 'byung ba'i dge mtshan dang ldan pa/ bod kyi rdo rje gdan dpal ldan sa skya'i sa'i cha 'byor pa phun sum tshogs pa dang ldan pa gnyan gyi pho brang yin la/ yab