[A:2b]mdo sngags smra ba dge ba'i bshes gnyen chen po blo gros rnam rgyal ba'i rigs su 'khrungs pa kun dga' don grub pa dang / yum rdo rje 'chang kun dga' bzang po'i dbon mo dpon ne lha mo bu 'dren zhes bya ba mkha' 'gro'i mtshan dang ldan pa gnyis kyi sras su/ 'phags pa'i yul na dmar ser can zhes bya ba/ me mo sbrul gyi lor ngo mtshar ba'i ltas du ma dang bcas nas bltams te mtshan lha rgod dar zhes gsol lo/ /dam pa 'di nyid lhum na bzhugs pa'i tshe/ yum zo mdog bde ba dang / ldang ba yang ba dang / dad pa dang snying rje sngar las che ba la sogs pa'i yon tan dang ldan par gyur to/ /yum de nyid yongs 'dzin dam pa'i mgon gyis bzung ba zhig ste/ kun mkhyen rin po che bsod nams sengge gdan sa chen por chos dbar la phebs skabs/ 'khar rnga bzang po gcig gi thog drangs 'bul ba dang bsnyen bkur gyis mnyes par mdzad pa dang / rdo rje 'chang chen po'i dbon mo yin pa sogs nas/ zhal gyi bdud rtsi mang du thob ste thugs brtse bas rjes su bzung ba zhig yin zhes thos so/ /bla ma dam pa de nyid sku bltams pa'i tshe nam mkha' g.ya' dag pa dang / me tog gi char 'bab pa la sogs pa dang / yab yum 'byor pa rgyas pa dang / yul phyogs lo legs pa dang / mi nad phyugs nad med pa la sogs pa bkra shis pa'i dge mtshan du ma dang ldan par gyur te/ gzhon nu de yang nyes pa'i skyon thams cad dang bral zhing / sku lus mdzes la brjid chags pa/ chu zheng 'gab pa/ zhal gyi