[A:20b]ci yin dris pas/ rje btsun bla ma rin po che zhing gzhan du spyan 'dren pa yin zer/ de nas bla ma rin po che sku'i gzi mdangs nyi zla zil gyis gnon nus pa lta bu'i sa zhu dang bcas bla brang gi nub sgo nas phebs byung pas mi de thams cad lang nas mda' dar gyi g.yab mo khra thib thib pa dang / rol mo sna tshogs kyi sgras ber 'gro ba lta bu byas nas/ chos khri thang yin snyam pa gcig gi lho phyogs la spyan drangs song ba/ chos khri mthon po spos zhal gyi bang rim du ma dang ldan pa kha lho bltas gcig gi steng du phebs byung ste/ bang rim rnams la bud med mang po bsdad/ bud med kyi gtso mo smug tshon ma gnyis kyis zhabs pus g.yas g.yon mnan nas 'dug de nas skye bo'i tshogs grangs med pa rnams la theg pa chen po'i sems bskyed kyi cho ga mdzad kyin 'dug pa rmi ba dang / tshes bcu bdun nas sku mtshams mdzad pa'i skabs/ nyer gcig gi nyin mgul cham la bsnyad pa'i sku khams shin tu ltem pa gcig byung 'dug pa nas/ snga so'i thugs bzhed bzhin yin na dgung lo re gcig bzhes pa dang / rta zla'i nyer gcig la phebs rgyur 'dug na'ang / tha skar zla ba'i nyer gcig bar bzhugs pa ni gsar du sleb pa'i slob ma dga' zhig gi don la thugs brtse bas dgongs par 'dug cing / sbrul lo zla ba drug pa'i tshes bdun skor la rje btsun spyan snga rin po che dkon mchog rgya mtsho lo dgon par bzhugs skabs/