[A:21b]dpon sogs sku mdun na yod pa'i tshe/ byang pa chos rgyal chen po shin tu snyung ba'i 'o brgyal bar rang 'dug na'ang / da lta mnal gcig byung 'dug gsungs zhal 'dzum mdzad/ sde srid snyung ba'i gtam ye ma gsan na'ang de ni thugs mngon par shes pas mkhyen pa gdon mi za'o/ /de nyin bka' chem gyi tshul du grwa pa so so'i lag tu gos gzan dum bu leb tsam re byung na dga' spro chen po yongs bas nga rang da lta gyon bzhin pa'i gos gzan cha tshang zhig sku rim gyi tshul du thongs/ nged da lan bsdod shas chung bas bla ma snyung ba'i sku rim dang / gshegs nas dge rtsa byed pa yin zer sprin dkar po la tshad btsugs nas 'ong ba'i grwa pa snyoms chung rnams kyi chas kha zad nas log 'gro ba 'di sems la shin tu zan pa zhig yod pas grwa pa sbyin bdag dang bcas pa la bsdud mo'i rigs ye ma len gsung ba yin gyis la dril sgrogs/ nged la dus ja zur pa mi dgos shing / phyi rten dang nang rten sogs kyi spros pa yang cher byed mi dgos/ bla ma gong ma rnams kyi dus rje'i dmigs zur na yod pa'i steng nas nged kyi dge rtsa la ye ma gtong / bla ma gong ma rnams kyi dus ja tal po rnams dang / nged rang gis gsar btsugs kyi dge rgyun rnams ma chag na nged kyi dge rtsa de ka yin/ da lan nga rang bsdur tsam gyi dngos po zur na yod pa'i