[A:22a]steng nas thongs la/ grwa pa rnams ci dga' dgar longs spyod du chug rab tu byung ba shi ba'i rjes su mya ngan byed pa chos dang mi mthun pas de 'dra'i rigs ye ma byed/ da lan gyi gtor bsgrub chen mo sogs bstan pa'i bya ba rnams yar 'phel du yong ba gyis gsungs pa sogs bka' chems zhib par phebs skabs/ dge slong chen mo ba sogs kyis da lo sku dog chen po yod zer ba nas/ spyi dgos kyi grwa dgon rnams su sku rim mang ja sum brgya tsam bsgrubs/ da lan ma bzhugs pa'i dpe mi 'dug lags zhu ba sogs kyi ngu 'bod mang du zhus pas/ rim gro de bzhin bgyis pas nged dgon par sleb/ dpon slob 'phrad byas pa 'di ka dkon mchog gi thugs rje yin mod/ bar lam du shi na rus pa yang mthong ba 'dug gam/ gtan du 'grogs rgyu su la yang mi 'dug 'grogs yun ring po yin/ rdzogs pa'i sangs rgyas skye 'chi dngos su spangs kyang gzhan ngor 'grongs pa'i tshul bstan pa yin gsungs ba sogs phebs 'dug tshes nyi shu'i nyin g.yab chen du bzhugs nyi ma phebs pa'i tshe/ thugs sras dge slong chen mo ba la/ nged kyi 'og 'di bzhin du song 'dug gsungs/ dge slong pas bltas pas gsang gnas lba ba dang bcas pa sbubs su nub nas shul khab sbom shong ba tsam zhig 'dug zer ba rje dbon dkon mchog dpal ldan pa nas brgyud de/ de'i