[A:24a]sna re yong gsungs/ so so skye bos bla ma'i rnal 'byor bsgom pa 'di snang la rang bzhin med pa yi dam dang dbyer med du mi mthong ba/ sha rus kyi gdos bcas 'di ka mthong ngam gsungs/ sku gshed chung bas dbu tshugs mi thub snyam byed pa la/ dbon chen gyi dbu lam nas bteg pas/ cung zad mi gsal ba'i tshul gyis/ 'di na go bo rab 'byams pa zhes thang gnyis tsam gsungs pa/ rje dbon gyis gsal po go ba rang ma byung bas/ bde ba can lags sam zhus pas/ 'o 'o bde ba can yin/ 'di na go bo rab 'byams pa bzhugs gsungs/ lan gcig spyan bar snang la had kyis gzigs nas/ 'o nga la a ma ra theb byung / 'chi ba med/ gzhan la ma zer yid mi ches gsungs/ sku 'khor gzhan rnams ni bka' drin che lags zer gyin 'dug dbon chen gyi thugs la nges don du skye 'chi spangs pa yin zhes gsungs bar go de nas gtor ma la chab thongs gsungs/ thugs dam rnams tshang ma mdzad/ gzhan yang bde mchog gi sngags/ tshe gzungs/ a ma ra Ni/ ma Ni sogs sngags mang du gsungs/ gtor 'bul rnams skad cig gi bskyed cing 'bul bar mdzad/ 'o nga'i rus pa 'di mes bzhu/ tsha tsha btab nas stod smad kun la bskur/ yid bzhin gyi nor bu lag tu byung ba lta bu'i dga' tshor byed pa'i dus yong zhing / sde srid so sor dus