[A:24b]'khrugs kyi dbang gi chings 'jags 'di rnams brtan par yong ba'i snyan 'bul nan chags phul/ des bsam pa rdzogs gsungs/ rje dbon la thar pa rtse pa a 'byon ltos gsungs/ yang yang gzigs su phebs pas ma byung / nyi ma bzhud nas yang dbon chen la ltos shog gsungs/ gzigs pas phebs ma byung / rje dbon gyis sku drung du byon nas da bar phebs ma byung zhus pas/ nyi ma ga tsam 'dug gsungs/ nyi ma bzhud 'dug zhu ma nus pa nas/ nyi ma cung zad cig 'dug zhus las/ bu tshas brdzun byas/ nyi ma bzhud nas med/ da rang mi 'byon pa e yin gsungs/ nga la bde sdug ci byung yang rje btsun rin po che dang / rgyal sras rin po che'i bka' drin dang sngon las su go gsungs/ de nas dag pa'i gzigs snang gi dus 'da' zhing / thugs dam gyi rim pa thams cad rdzogs par mdzad de/ mda' kha ma zab mo'i ngang nas nyer gcig gi mtshan sum gnyis tsam song ba'i dus su sku gshegs pa'i tshul bstan par 'gyur te/ de'ang gzhi sems dpa'i skyil krung la phyag gnyis mnyam gzhag la sku rgyab dbu snyel la cung zad bsten pa'i rnam par bzhugs so/ /de nas bzung ste dri bzang dang / rol mo'i sgra dang me tog 'bab pa la sogs pa kun gyis mthong zhing thos pa byung zhing / nyi zla yang 'od nyams par gyur to/ /de nas nyer gsum gyi nyin thugs dam grol te dbu'i