[A:4b] bslab bya mdzad pa rnams la tshul bzhin gsan te/ shin tu btsun pa'i ngang nas thos bsam la brtson pa chen pos mdzad pas/ dgung lo bcu bdun bzhes pa'i tshe e waM chos ldan gyi bla med kyi bsgrub mchod kyai rdor gur saM/ bde mchog gsang 'dus lnga'i chog khrigs cha lag dang bcas pa rnams dang / dpal dges pa rdo rje rgyud gsum/ kun tu dgos pa'i gzhung bdun/ 'grel pa dag ldan/ spyod 'jug mngon pa mdzod/ dbu ma 'jug pa/ sdom gsum rab dbye la sogs pa'i gzhung lugs chen po de rnams dkyus thog gcig la thugs la byang bar bzhugs te 'dren mchog chos rje'i drung du rgyugs 'bul mdzad pas shin tu mnyes tshor che ba byung gsung ngo / /dam pa nyid kyi zhal nas yon tan yong ba la blo tshogs gang yod ma brjed pa lo gsum gsum bskyor dgos/ dpe cha gang bzung 'phral la brjed du bcug pas yon tan gang la 'byung ste/ nged kyi lo bcu lon pa'i tshe gong du smos pa'i gsung rab de rnams dkyus thog cig la shin tu byang bar yod gsung ngo zhes thos so/ /gsum pa dge ba'i bshes gnyen ji ltar bstan pa'i tshul ni/ thog mar 'dren mchog chos kyi rgyal po dkon mchog 'phel ba'i drung du so sor thar pa'i sdom pa dang 'brel ba la dge tshul gyi rags sdom bcu/ springs yig slob ma la phan pa'i lung / byung chub sems dpa'i sdom pa dang rjes su 'brel ba la/