[A:4a]'phel ba'i zhal snga nas la mkhan po zhus shing / rje glo bo mkhan chen thams cad mkhyen pa bsod nams lhun grub legs pa'i 'byung gnas rgyal mtshan dpal bzang po la slob dpon zhus/ chos lung bka' bcu pa phrin las dbang phyug pas grib tshod pa dang / 'dul ba 'dzin pa yon tan rgya mtsho sogs dge slong gi dge 'dun brgya phrag gcig gi dbus su/ dpal a waM chos ldan gyi gzim khang g.yab chen du/ bstan pa'i rtsa ba so sor thar pa dge bsnyen dang / dge tshul gyi sdom pa rnam par dag pa thob cing / mtshan dkon mchog lhun grub ces gsol lo/ /de nas bzung ste lhag pa tshul khrims gyi bslab pa mig gi 'bras bu bas kyang gces par bzung nas/ bslab par bya ba phra zhing phra ba mtha' dag ma nyams par spyod pa'i sngon gyi 'phags pa dgra bcom pa rnams dang tshul mtshungs par bzhugs pa yin no/ /de nas bla brang du bzhugs na yengs rkyen che bar dgongs te/ dge ba'i bshes gnyen rkyang thur ba dge legs bshes gnyen pa sku mdun du 'bod par mdzad de/ 'dren mchog chos rje'i zhal nas/ nged kyi bu tsha 'di la re tshod chen po yod pas chud zos su ma song ba dang / thos bsam tshul bzhin yong ba'i grogs dan yang dag pa cig khyed kyi gyis gsungs pa sogs bslab bya dpag med thugs brtse bas sgo nas gnang ngo / /de nas bla ma dam pa 'di nyid kyi yang dge ba'i bshes gnyen de nyid kyi zur slob kyi tshul du bsten nas/