[A:5a] dbu ma lugs kyi sems bskyed kyi bslab bya mdo nam mkha'i snying po las logs su bkol ba byang chub ltung bshags/ de'i 'don thabs/ dbu ma lugs kyi sems bskyed kyi cho ga lung sbyor dang bcas pa sa paN gyis mdzad pa lung si bu ba bcu bdun du grags pa dang / de rnams kyi sa bcad mchims nam mkha' grags kyis mdzad pa/ bslab pa kun las btus/ spyod 'jug de'i sa bcad rje btsun gyis mdzad pa/ de'i TIkka gsung bgros ma/ jo bo'i thugs dam chos chung brgya rtsar grags pa/ sdom pa nyi shu pa/ de'i 'grel pa/ bzang spyod smon lam/ byams smon/ mda' kha ye shes/ sher phyin rnams kyi lung / zhen pa bzhi bral gyi khrid/ de'i lo rgyus dang khrid yig sogs bla ma gong mas mdzad pa rnams gsan no/ /zhes thos so/ de ltar na dgung lo bcu gsum pa nas bco brgyad bzhes kyi bar du 'dren mchog dam pa de nyid kyi zhabs kyi padmo la btugs te/ gsung ngag rin chen gtso bor gyur ba'i mdo sngags kyi chos tshul mtha' yas pa zhig gsan par mdzad cing / nye 'brel gyi rtog pa dang / skyon gyi rnam pa thams cad spangs te/ lhag pa'i lha dang dbyer med pa'i 'du shes kyi sku gsung thugs kyi mdzad spyod thams cad sangs rgyas kyi mdzad pa kho nar gzigs pas/ rten 'brel thams cad rang 'grig nas dngos grub rnam pa gnyis bde blag tu thob par mdzad pa yin la/ rje rin po che dge legs bshes gnyen pa la sbyor dod mdzad dus bu tsha 'di la re