[A:5b]kyi mtha' gcod dang bcas te legs par gsan zhing / 'bel ba'i gtam gyi sgo nas legs par gtan la phab ste smra ba'i khyu mchog tu gyur la/ de dus snga dro ja sbyor re tsam gyi bar la shog bu mda' tshad bdun tsam re zin pa yang byas zhes gsungs pa dang / ji snyed thugs su chud pa thams cad kyang bsnyel ba med pa'i spob pa phun sum tshogs pa mnga' ba ste/ bdag nyid chen po rang gi gsung las/ gsang ston slob dpon ye shes 'byung gnas la/ /'dul ba mdo rtsa ka ri ka la sogs/ /tshad ma rnam 'grel rig gter sdom gsum dang / /pha rol phyin pa'i gzhung lugs 'ga' zhig mnos/ /sngags kyi sdeb sogs lag len phran tshegs bslab/ /de ltar thos pa'i gzhung lugs thams cad la/ /bsam pas sgro 'dogs chod cing bsgom na yang / /the tshom mi za yid ches cung zad yod/ /ces gsungs so/ /de nas lug gi lo rje nyid dgung lo bco lnga pa'i dus yongs 'dzin dkon mchog 'phel ba'i gsung gi rang gzhan gyi don gnyis bsgrub pa'i phyir gsung bsnyen mdzad dgos pa'i bka' stsal ba la rten/ dges pa rdo rje'i dkyil 'khor gyi bsnyen pa sbyin sreg dang bcas pa/ rdo rje phur pa'i bsnyen pa/ nag po chen po gur gyi mgon po'i bsnyen pa rnams mthar phyin par mdzad pas/ de dag gi skabs su kye rdo rje dang / rdo rje gzhon nu/ gur mgon rnams zhal gzigs pa la sogs pa grub pa'i mtshan ma mang du byung bar grags la/ de