[A:5a]kyi lam po che thub pa'i dgongs pa gsal ba zhes bya ba'i bstan bcos chen po yongs su rdzogs pa nyi ma gsum gyi bar du legs par bshad pas/ skye bo'i tshogs thams cad ngo mtshar zhing sku na gzhon nu 'di lta bu la sku gsung thugs kyi yon tan rmad du byung ba 'di 'dra ba 'byung ba ni nges par chos kyi rje sa skya paNDi ta nyid slar yang gdul bya'i don du sku'i skye ba bzhes pa yin yang dag go /zhes mkhas pa'i skya bo rnams kyi mchog tu bsngags pa'i gnas su gyur pa zhig go /zhes grags te/ ji skad du/ 'dzin ma'i khyon 'dir 'jam dbyangs sprul pa'i sku/ /rim par byon pa'i dpal ldan sa skya zhes/ /grags pa'i rnga chen srid na gsal ba der/ /bcu gnyis bzhes tshe bshad pa'i dga' ston bsgrub/ /sku ni 'khor tshogs dbus na zla ltar brjid/ /gsung ni tshangs pa'i dbyangs ltar dal dod snyoms/ /thugs ni shes bya'i gnas la gsal bar 'jug /yon tan skye bo kun gyi kha na rgyu/ /zhes pa ltar ro/ /de nas dgung lo bcu bzhi pa sa pho rta'i lo bzhi thog gi gdan sa mdzad nas bstan pa'i bdag por mnga' gsol zhing / slar yang rtse gdong du phebs nas ra dpon yon tan 'byung gnas la 'dul ba mdo rtsa ba/ 'dul ba me tog 'phreng rgyud/ rgyas pa'i bstan bcos tshad ma rnams 'grel/ sde bdun mdo dang bcas pa'i dgongs 'grel gyi bstan bcos rig pa'i gter/ sdom pa gsum gyi rab tu dbye ba sogs sde snod gtso bor gyur pa'i chos kyi rnam grangs 'ga' zhig lung rigs