[A:6b]dgongs nas/ yongs kyi dge ba'i bshes gnyen rnams las gsan pa rgya mtsho'i pha rol tu gson pa mdzad pa'i tshul ni/ ji skad du/ khyod ni mkhyen pa'i lang tsho cher rgyas kyang / /blo gsal yongs kyi dpyad bya 'di yin zhes/ /mang du gsan pa'i snyim pas rab brkyangs te/ /mkhas mang zhal gyi bdud rtsi dges par gsol/ /zhes pa ltar/ chos kyi rje yongs 'dzin dkon mchog 'phel ba'i drung du/ dbu ma lugs kyi sems bskyed/ dbang gi sngon 'gro'i sems bskyed/ de gnyis kyi yig cha'i lung dang bcas pa/ dges pa rdo rje yab yum gyi dbang / gshed dmar lha lnga'i dbang sogs dbang gi rnams grangs du ma dang / gsung ngag lam 'bras kyi khrid dang / 'di dang 'brel ba'i byin rlabs mtha' dag dang rgyab brten gyi yig cha'i lung / gzhan yang Dombhi pa'i lhan cig skyes grub sogs lam skor phyi ma brgyad du grags pa man ngag yig cha phran tshogs dang bcas pa/ shanti pa'i mdo rgyud bsre ba sogs sgo drug chos 'brel du grags pa rnams dang / gtso che'i chos sna sum cu rtsa dgu po sogs dges pa rdo rje chos skor mtha' yas pa zhig dang / yang 'khor lo bde mchog bskor la/ dpal mngon par rtogs pa sogs lU hi pa'i smad lnga/ bde mchog nag po pa'i sgrub thabs sogs nag po gzhung drug bde mchog lus dkyil sgrub thabs sogs dril bu skor gsum ste lU nag dril gsum gyi skor gyi 'khor lo bde mchog gi chos bskor phal mo che dang / gzhan yang sgrub thabs mdo byas mdo bsres/ rnam gzhag rim pa sogs pha