[A:9b]steng du kri ya sa munytsa'i dge legs su byed pa'i dkyil 'khor gsum ste bzhi bcu zhe lnga'i dbang dang / sbyong rgyud dkyil 'khor bcu gnyis kyi dbang rnams dang / bye brag gi dbang la/ kyai rdo rje bka' babs bzhi'i dbang la sogs pa lnga bcu rtsa gcig ste yongs sdom smin byed dbang gi rnam grangs brgya rtsa brgyad dang / gsung ngag rin po che lam 'bras bu dang bcas pa'i gdams pa la sogs pa grol byed kyi khrid kyi rnam grangs nyi shu rtsa bdun tsam dang / rdo rje bdag med ma'i byin rlabs la sogs pa snyan brgyud zab mo'i byin rlabs kyi rim pa nyer gsum tsam dang / sgrub thabs brgya rtsa dang / rgya mtsho ste rjes su gnang ba'i bka' srol chen po gnyis dang / mi g.yo ba dkar sngon gyi rjes gnang sogs rjes gnang zur bkar grags pa bcu phrag bzhi'i lhag pa dang / dus 'khor 'grel chen gyi bshad bka' dang / kyai rdor rgyud gsum gyi bshad bka' sogs rgyud dang / rgya bod kyi mkhas grub tshad ldan rnams kyis mdzad pa'i rgyud 'grel zab mo'i bshad bka'i rnams grangs bcu gsum tsam dang / gzhan yang sor sdom dang / byang sems kyi sdom pa'i bslab bya ston pa'i gsung rab du ma dang / sgra dang sdeb sbyor snyan ngag skar rtsis la sogs pa tha snyad kyi rigs pa dang / gzhan yang gong du bshad pa'i dbang khrid byin rlabs rnams kyi rgyab brten gyi bka' dang bstan bcos sogs lung gi tshogs rab tu mang po sogs chos kyi rnam grangs re re nas kyang lan grangs mang po zhig stsol bar mdzad cing / yang bstan pa rin po che yun ring du gnas pa dang / dngos dang brgyud pa'i gdul bya rnams la phan