[A:12b]gtor cha bzhi/ nyin par gyi dus su tshogs chos gsung ba la sogs pa'i lung dang bcas bshad pa'i phyag khrid rnams mdzad/ de lta bu mi gnang ba'i skabs su phyag dpe'i gzigs rtog kho na mdzad cing / mthun mtshams gang rigs la gtor ma brgyad rtsa rgyas pa chu sbyin dang bcas pa/ dzaM ser nag dbyug gu ma spun gsum/ dus 'khor gyi srung ma drug cu/ thugs rje chen po'i grul gtor/ cha gsum gtor ma rnams mdzad nas/ mthar shes rab snying po saM kri ta'i skad du tshar gsum/ bdud bzlog bsngo ba smon lam dang bcas pa mdzad/ bar skabs su sku 'chag pa'i zhabs bskor dang bcas te/ rtsa ba'i bla ma rnam bzhi dang / bla ma gong ma rnams kyi bstod pa du ma dang / brgyud pa'i gsol 'debs kha yar/ dpa' bos mdzad pa'i sangs rgyas kyi bstod tshogs kha yar/ dpal ldan chos grags kyis mdzad pa'i bde mchog gi bstod pa rgyun chags/ tsandra go mis mdzad pa'i 'jam dbyangs phyogs bcu ma/ thams cad mkhyen pa'i bshes gnyen gyis mdzad pa'i sgrol ma'i bstod pa me tog 'phreng 'dzin sogs chos spyod kyi rim pa mang du mdzad/ dgong ma'i cha la dbang dang byin rlabs dang rjes gnang zab mo rnams so so'i blo dang 'tshams par mdzad/ de nas yang srod thun phal cher rdzogs pa'i mjug tu/ bde dges phur gsum/ mgon po lha brgyad sogs yi dam chos skyong gi gtor bsngo rnams rgyas par mdzad/ de nas srod mthun gyi 'phro rnams rdzogs par mdzad pa la sogs pa mdor na bdag nyid chen po 'di'i nyin zhag phrugs gcig gi mnyam gzhag gi thugs dam rnams lta zhog chos spyod dang gtor ma'i bsgrigs