[A:17b]sogs pa gang yang ma byung / kha sing snga gong za zi bzhin kha cig byung ba glo bo mkhan chen chos kyi rje zhing gzhan du gshegs pa la lta ba yin nam snyam pa cig byung ste/ de ka rkyang pa yin pa 'dra/ phyi lo 'di la dog cha phran bu yod nyan ka che zhes gsungs/ de la rje dkon mchog na grub kyis/ 'o na de la dmigs nas sku rim dang / sku mtshams sogs mdzad nas yun ring du zhabs pad brtan pa'i rten 'brel gnang dgos zhus pas/ rje'i gsung gis/ rim gro sogs sngar yang gang 'grub byas da rung rim pas byed rtsis yin/ mtshams dam pa zhig byed snyam na'ang / kha sang nas chos 'chad pa dang / deng sang gdan sa 'di pa rnams la mdun 'jags gcig yong re nas 'gyang pa yin/ 'di tsho'i brel ba chod 'phral la mtshams byed ces gsungs pa la sogs pa zhing khams gzhan du 'byon ba'i bka' du ma snga rol nas stsal ba dang / gzhan yang mya ngan las 'da' ba'i ltas du ma snga gong nas byung bar grags shing / de nas sbrul lo zla ba dang po'i tshes nyi shu skor la rin chen sgang gzim khang du phebs nas sku mtshams bug sgo 'dag sbyar mdzad de thugs dam zab mo la rtse gcig tu bzhugs shing / thun mtshams rnams la gsung rtsom 'phro can rnams kyang grub par mdzad/ zla ba lnga pa'i nyer bzhi nyer lnga tsam nas gzhan ngor zhabs cung zad snyung ba'i tshul bstan nas/ der skabs kyang thugs dam zab mo la rtse gcig tu bzhugs shing / skabs 'gar khyed rnams ma 'dug pa mchod pa gsar