[A:16b]'dug [C:287]pas/ slar yang dgon pa 'di la zhal gzigs pa'i chos skyong gi sku zhig bzhengs" shes pa'i dag snang shar bas/ de ma thag lha bzo ba bos te ka ba phyag rjes ma la srog shing mdzad nas zhal gzigs pa'i shul de nyid du gur gyi sku bzhengs shing / 'khor rnams kyang gang du bzhugs pa dang / sku'i rnam 'gyur sogs ji ltar zhal gzigs pa de kho na ltar bzhengs bar mdzad pas bsil ba'i tshal lam/ dpal ldan sa skya pa'i dgusgo rum ltar byin brlabs kyi gzi 'od dang bcas nas/ bka' bsrungs srungrnams dngos su bzhugs pa'i mgon khang phyi ma 'di nyid grub pa yin la/ gzhan yang gzims khang 'og mar yi dam gyi lha dang mkha' 'gro chos skyong zhal gzigs pa'i rim pa ni bgrang ba las 'das pa ste/ ha cang mang ches pas mtha' dag par yi ge'i lam du bri bar ma lang pas/ de'i tshul mdo tsam ni mgon khang phyi nang gi logs dang / thugs dam thang sku rnams su gzigs snang ji lta ba bzhin bris pa'i bris sku rnams mjal bas shes par nus so/ /mnyes thang 'or dang chos rdzong sogs su chos kyi rje bsod nams rgyal mtshan pa bdag 'jug bzhes pa'i sku'i cha byad can lan mang du mjal zhing / sku 'da' khar gzims khang gong mar sman pa'i rgyal pos lung ston par mdzad pa'i zhal gzigs thang sku dang bstod pa'ang yod la/ 'od dpag med zhal gzigs pa'i zhal gzigs bstod pa dang thang sku'ang yod do/ /mdor na tha mal pa'i snang zhen gyis ma gos par/ cir snang ye shes kyi rol pa 'ba' zhig tu 'char ba'i rang gdangs [C:288]yi dam lha'i 'khor lor sad pas/ ngo mtshar ba'i yul snang 'ba' zhig la gzigs par mdzad pa ni dag pa'i