[A:10b]de'i ring lugs mtha' dag mi nub par rje 'di nyid kyis legs par bsgrub par mdzad cing / zur 'chad kyi grwar bzhugs dus/ phyogs bzhi'i grwa rigs kun gyis rje 'di la btud de 'chad nyan lhag par 'phel bar gyur pa ni 'di lta ste/ phyogs su ma chad bde ba'i dbus na kun gyi gtsug gis bkur ba'i khrir/ legs bshad gsar ba'i dga' ston 'gyed tshe 'gron du mi 'du 'di na gang / khyod gsung nges pa'i bcud kyis myos pa'i blo gsal rkang drug ldan pa'i tshogs/ chos kyi 'dun pa'i me tog zlum rar
sngon med
legs bshad nga ro 'byin/ nyin mtshan med pa'i chos kyi tshul ni dga' ldan na yang srid min na/ gangs khrod 'di na yod pa'i the tshom phra mo tsam yang su zhig 'dzin/ de slad rang gi yab gyur dag kyang 'chad pa'i nga ros bsnyoms par gyur/ gzhan du gang gi snyan pa'i dris ni phyogs kyi mdza' bo nye bar 'gugs/ chos las bskyed pa'i snyan grags ud pal phreng / dpyod ldan gang gi'ang rna ba'i rgyan du len