[A:13a]'or 'or mchod pa'i tshul/ gsang sngags 'dzin pa gzhan la'ang sngon ma mthong / gang la brtsad cing dris pa'i gzhung kun la/ gcig la gcig tu sbyangs ba lta bu ste/ kun la kun du byang chub nyid gyur nas/ mgon khyod sangs rgyas kho na'i mdzad pa can/ thos bsam mthar phyin grub pa'i dbang phyug gyur/ blo gsal 'bum sde mkhas pa'i gnas la bkod/ 'dzam gling kun tu snyan pa'i grags pas khyab/ phyogs las rnam rgyal ma pham chos kyi rje/ de dag gi skabs su rgol ba dang / phyir rgol pa dag gi lan
ldon
pa'i tshul yang / rgol bar gyur pa 'ga' zhig ni/ rigs pa dri ma med pa'i
sgo nas mi smra ba'i brtul zhugs la dngos su yang bkod par gyur cing / gzhan du snga phyi'i gnad dang shin tu phra ba'i gnas su mtha' dag la gzigs pa rgya mtsho'i pha rol du legs par son pa/ dpal ldan chos kyi grags pa'i dngos stobs rigs pa'i gzhung lugs zab mo'i sgo