[A:13b]nas 'or gsum tshang ba'i thal 'gyur kho nas grub mtha' ngan pa'i tshogs ming gi lhag bsam tsam du nye bar mdzad cing / dam pa de nyid kyi sku dngos kyis legs par bskrun pa'i chos las skyes pa'i sras mchog rnams dang / de dag gi sras su gyur pa mtha' dag gis kyang yang dang yang du phyi nang gi log par rtog pa'i tshogs 'joms pa la spobs pa dge ba'i snang ba khyad par can gyis/ rgyal ba thams cad skyed mdzad kyi yab gyur dpal shAkya mchog ldan dri med legs pa'i blos ji ltar phye ba'i dgongs don dri ma med pa la rang gis ngan rtog dag gis rnam pa kun tu bslad pa med par snga srol bzang po'i lam de nyid rma med par mdzad do/ rigs pa'i dbang phyug slar yang byon tshe chos grags nyid la'ang som nyir gyur/ klu sgrub yab sras gzhung lugs 'chad tshe skyes chen de dag kho na 'dra/ khyad par thogs med sku mched rang gzhung bzhed dgu rgya mtsho'i rlabs
phreng
can/ de nyid 'chad la de nyid gnyis par bdag gis yongs bzung nges pa ste/ gzur na yas