[A:14b]rgyun lags/ des na mkhas pa'i bya ba ji snyed pa/ mig ldan skye bo goms pa 'jog mtshungs kyis/ mi shes blun po'i {bab bcol }ngor 'gran na/ dmu long mi bzang g.yang khar 'jug par bas/ de ltar legs pas 'gran byed skyes bu kun/ bstan la dgongs pa'i rnam dag 'chad rtsod kyis/ bstan pa'i nyin byed shin tu mthong dka' 'dir/ bstan pa rin chen 'ba' zhig nyer dgongs gsol/ bdag 'dra thos pa'i mig bral gya tshom mkhan/ {yan lag }rigs pa'i snang ba med gyur na/ ji lta'i sgo nas thub la bya ba bgyid/ myen ldan dam pa rnams kyis bag yod mdzod/ des na dus dang gnas skabs thams cad du/ bu sdug chu yis khyer ba'i ma bzhin du/ sangs rgyas bstan pa'i lhag ma 'di zung zhes/ kun la thal mo sbyar nas gsol zhing mchis/ bstan pa'i bdag rkyen du gyur ba rtsom pa nor bu'i phreng mdzes spel ba'i tshul la/ dang por nyer mkho'i legs bshad gdul bya 'ga' la