[A:14a]rnams kyang rnam par sgrog mod 'di na 'ga' yang som nyi med pa
thog med las kyis mnar ba dag ni thub pa nyid la co 'drir mchis/ de lta min na 'or ba stongs tshe khyod kyi phrin las gang du spel/ skal dman med na dam pa'i brtse ba nyid kyang 'khyogs po'i rgyu la rten/ de slad lha sbyin ston pa nyid kyis sprul zhes mdo sde/
las 'byung / dam pa rnams la mi 'dod nyid kyang 'dod dgu'i 'byung gnas yin zhes thos/ skyes chen dag la bstod dang smad pa gnyis kas 'bras bus byang chub 'byin/ 'di 'dra'i tshul 'di snying la dran tshe bdag ni nges par spu long g.yo/ de phyir 'brel tshad don ldan nyid du gyur ba'i skyes chen rgyal gyur cig 'di na gang dag thos pa'i rnam bral bas/ rnam dag chos kyi yin lugs 'byed pa la/ phrag dog dbang gis smra ba lhur len kyang / chos dang chos min 'byed pa mkhas pa'i srol/ chos brgyad 'jig rten kho na'i don tsam du/ nyi tsher 'bad na chos dbyed a thang chad/ rang gzhan gnas skabs 'byed la chos mthun gyi/ rtsod par rlom na rgyal ba'i bka' dang 'gal/ khyad gsod 'gran sems drag pos rtsod pa'i las/ rnam pa kun du bsgrubs na cir 'gyur soms/ bstan la dgongs pa'i rtsod pa rdo rje'i phreng / rgya bod mkhas pa kun gyi mdzad