[A:2a]sngon chad byon pa'i mkhas dang grub pa'i gtso/ du ma'i legs bshad rnam grangs mang mod yang / khyod thugs chos kyi rgya mtshos yongs bzung nas/ gzhan la sna gcig 'dzin pa'i skal ba'ang ci/ shin tu sbyangs pa'i zhib mo'i blo gros kyis/ mkhas pa 'ga' yi spyod
yul
rtsing por byas/ gsung gi bdud rtsi gser 'gyur sman mchog ni/ gang la reg pa'i 'dod dgu nye bar spel/ mdo sngags kun gyi glegs bam gcig gyur pa/ yongs rdzogs bstan pa'i bdag po'i rmad byung gtam/ bdag 'dra phyogs re'i mig gyur byis pa'i blos/ ji lta'i sgo nas 'bel bar ga la spobs/ 'on kyang yid ches gtan tshigs rna ba ru/ nyer ltung snying gi pad mor son pa yi/ rgya mtsho che las skra rtse'i thigs pa tsam/ dang ba'i sems kyis blangs nas 'dir brjod bya/ 'dir bdag gi bla ma dam pa mi 'phrogs pa'i brgyen rab phul du byung ba'i bdag nyid chen po mtshan mchog don ldan du gyur pa/ gnas lnga yongs su rdzogs pa'i paNDi ta