[A:2b]dbyig gnyen gnyis pa/ a mo gha sidhi zhes 'dzam gling kun du nyi ma dang zla ba ltar grags pa 'di'i rnam par thar ba'i tshul ni dus gsum sgrib med du gzigs pa'i spyan ldan zhig las/ bdag 'dra so so skye bo byis pa'i blo can 'ga'i spyod yul ma yin mod kyang / 'dir rang gi mos pa gtso bor byas nas 'jig rten ltar snang dang bstun pa'i kun dang thun mong du gyur pa'i rnam par thar pa'i sgo cung zad gleng gi/ skal ba dang ldan pa dag rna ba blang te nyon cig de la bdag gi bla ma dam pa mkhas pa'i 'di'i 'khrungs pa'i yul ni/ stod mnga' ris skor gsum las/ smad kyi sa'i thig chen smon thang rgyal po'i khab dang nye ba'i khams gsum rnam par rgyal ba'i ljongs kyi nub ngos kyis shin du yid du 'ong zhing 'bab chu shel gong ltar dngas pa'i rgyun phyogs su 'khor zhing 'bab pa/ ne'u seng sngon po rin chen anDa rnyil gyi phyi ma yongs su brdal lta bu ngos snyoms shing khyon yangs par kha dog sna tshogs pa'i me tog gis legs par khebs pa/ 'bru dang lo thog phun sum tshogs pa'i 'byung gnas su