[A:3b]yer re mngon du dgongs pas/ nam mnal mdzad dus spyan mi 'dzums par ha re 'byung na las/ bla ma des kyang 'di nyid sangs rgyas kyi bstan pa rin po che la bgyi ba byed pa'i skyes chen dam pa zhig 'byon pas/ bar chad kyi dbang du ma song ba'i sku rim gyis/ bu'i ming la blo gros dpal gyi rgya mtshor thogs gsung nas/ rje 'di'i mtshan yang de ltar du grags so/ 'di la 'thad pa bzong mthong ste/ sngon chos rje sa skya paN chen hor rgyal pos spyan drangs nas byon pa'i dus su/ chos rgyal 'phags pa sku mched gnyis kyang sku nas gzhon nur gyur zhig phyag phyir khrid byon pa las/ de dus su rgyal ba yang dgon pas sa skya paN chen la/ bla ma rin po chen ni hor yul la 'byon par 'dug bdag bu slob kun la rjes su mos gus kyi rten dpon po 'di bgyid dgos par gda' ste/ 'di la yon tan gyi khyad par ci mnga'/ yid brtan thub yod lags sam zhus pas/ chos rje sa paN gyis 'phags pa rbod cig la dbu sngas mdzad nas mnal ba de rgyal ba yang dgon pa la bstan