[A:4a]nas/ de'i tshe 'phags pa spyan gdangs nas mnal mdzad yod pa las/ 'di 'od gsal zin pa'i rtags lags/ nged kyi mi brgyud khungs
ma
rnams la gzhon nu nas 'di ltar 'od gsal legs par zin pa lags kyis gsungs/ zhes 'byung ba dang don cig pas yid ches pa'i gnas su gyur pa yin la/ don 'di la dgongs nas/ rje rang nyid kyis kyang / don dam 'od gsal gdod nas yod par gzigs shes gsung ngo / de dag la 'di skad ces bya ste/ gangs ri dpal dang ldan pa kha ba'i ri/ bsil la mdzas pa lha yi gzhal med khang / 'dod dgu'i 'byung gnas mnga' ris 'dzin ma'i khyon/ yid bzhin nor bu du ma'i 'byung gnas yin/ khyad par bdag gi 'drin mchog mkhas pa'i rje/ bsams bzhin 'gro ba'i don la legs par byon/ dus mthar thub pa'i dbang po slar byon pa/ snyigs ma'i dus la som nyi cung zad gyur/ 'khrungs tshe ltas bzang byi ba'i 'od phung 'khrir/ bkra shis dge mtshan yar ngo'i zla la 'gran