[A:༩༤བ]འབྲས་བུ་ཅི༎
གང་ལ་སེམས་ཞིག་ཡོད་ན་ནི༎
དམ་པའི་བཞེད་གཞུང་ཁང་བཟང་འདིར༎
རྣམ་གྲོལ་འབྱོར་བ་ཐོབ་པའི་སླད༎
དད་པའི་གོམ་པས་འཇུག་པར་རིགས༎
གང་ཡང་འགའ་ཞིག་མཁས་པའི་སྲོལ༎
གསེར་གྱི་ཅོད་པཎ་ཡོངས་སྤངས་ནས༎
རྒན་པོའི་ཁྱམས་ཚིག་འགལ་འུམ?སུས?་གྱི།
ཕྲེང་བ་རྒྱན་དུ་འཛིན་པར་བྱེད༎
ཀྱེ་མ་ལུགས་ལས་འདས་པ་ཡི༎
སྐྱེ་བོ་སུ་ཡི་ཕན་བྱར་འགྱུར༎
འོན་ཀྱང་རང་གི་ལྷག་བསམ་དང༎
གཅིག་ཏུ་བསྟན་ལ་གཅེས་པའི་བློས༎
ཚུལ་འདི་འགྲོ་ལ་སྤེལ་བའི་སླད༎
src: A line might be missing here
བསོད་ནམས་ཁང་པ་བསྔགས་འོས་གང༎
བརྒྱ་བྱིན་གྲོང་གི་ཕུན་ཚོགས་བཞིན༎
ཀུན་གྱི་གོང་ན་དཀར་བའི་རྩེར༎
རབ་གསལ་ཡི་གེའི་པར་དུ་བསྒྲུབས༎
འདི་ན་ཡང་དག་ལམ་སྲོལ་དུ༎
འཇུག་འདོད་དཔྱོད་ལྡན་འགའ་ཡོད་ན༎
ཟླ་ཚེས་མཐོང་བའི་བྲམ་ཟེ་བཞིན༎
ཀུན་དགའི་ཐལ་མོ་སྦྱོར་ལ་གྲང༎
དེ་ལྟ་མོད་ཀྱི་ནག་པོའི་ཕྱོགས༎
བསྟན་བ་སྡང་བ་ཕལ་ཆེ་ཡི༎
སྙིང་ལ་དུག་གི་མདའ་ཆེན་བཞིན༎
ཟུག་རྔུར་འགྱུར་ལ་ཅི་བྱར་ཡོད༎
སྐྱེ་དགུའི་མུན་སེལ་ཉིན་མོའི་མགོན༎
མཁའ་ལ་འོད་ཀྱིས་ཀུན་དཔའ་ཡང་༎
བསྐལ་ངན་མཚན་མོ་རྒྱུ་བའི་བྱ༎
མྱ་ངན་འགྱུར་བ་དངོས་པོའི་བཤིས༎
Wish verses, f. 94b4-7
འོན་ཀྱང་ཀུན་ལ་ཕན་དོན་དུ༎
བསྒྲུབས་པའི་ལྷག་བསམ་བདེན་པ་ཡིས༎
ངག་གི་དབང་པོའི་གཞུང་ལུགས་འདིར༎
འགྲོ་ཀུན་ངེས་པར་འཇུག་གྱུར་ཅིག།
བདག་ཀྱང་ཚེ་རབས་ཐམས་ཅད་དུ༎
བདུད་ཀྱི་ལས་ལ་ས་ཕྱིར་ཕྱོགས་ཏེ༎
ཐེག་པ་མཆོག་གི་ལམ་འཛིན་ཅིང་།
བསོད་ནམས་བཟང་པོ་མཉེས་བྱེད་ཤོག།
འགྲོ་ཀུན་མི་ཁོམ་སྤངས་ནས་ཀྱང༎
དགེ་བཅུའི་ལས་ལམ་སྤྱོད་པ་ཡིས༎
རྒྱལ་བ་མ་ལུས་དགྱེས་པ་དག།
ངན་སོང་གྲོང་ཁྱེར་སྟོབས་པར་ཤོག།
གཞན་ཡང་འདི་ན་སྨིན་བྱེད་དང་བྲལ་རྨོངས་པའི་སྒོམ་ལྷུར་བྱེད་པས༎
བ་ལང་བསྒྲུབ་བྱེད་ཟབ་མོའི་ལམ་དུ་བདུད་ཀྱིས་ངེས་པར་བསྡུས་པ་དག།
དམ་པའི་མགོན་དང་ཕྲད་ནས་མཆོག་གི་སྨིན་བྱེད་ཁང་བཟང་ཉམས་དགའི་ནང་།་
རིམ་གཉིས་རྣམ་བཞག་རི་མོའི་ཟློས་གར་ཅི་ཡང་མཐོང་ནས་འགྲོ་གྱུར་ཅིག།
དེ་སྐད་བརྗོད་པའི་བྱེད་པོ་ཡང།
ས་སྐྱ་འཇམ་དབྱངས་ཞབས་པད་ཀྱི༎
ཅོད་པན་དད་པ་ལ་བཀོད་པ༎
རིག་འཛིན་གྲྭ་ལྔ་རྒྱལ་པོའོ༎ ༎ཐུ་བཙུན་འཇིགས་མེད་དཔའ་བོའི་སྡེ། །ཀུན་དགའ་རྣམ་རྒྱལ་དཔལ་བཟང་པོར། །ཡོངས་བརྗོད་མཆོག་གི་བློ་ཅན་ཡིན། །src: The block of witness B has this last line (f. 94b7) with the authorship statement of the above verses modified (apparently for a later print of the same blocks)