[A:3b]mtshan/ rdo rje 'chang kun dga' bzang po/ rgyal tshab dam pa kun dga' dbang phyug glo bo mkhan chen bsod nams lhun grub/ bdag chen 'jam pa'i dbyangs ngag gi dbang phyug spyan snga rin po che dkon mchog rgya mtsho/ thub dbang gnyis pa rje btsun sangs rgyas rgyal mtshan/ des bdag la'o/ /de ltar rang nyid lo gzhon nu'i dus nas rigs kyi bag chags sad pas rab tu 'byung 'dod kyi blo bcos min zhig yod pa la brten/ de nyid 'grub pa'i thabs tshul sna tshogs shig bgyis kyang / yab yum gnyis kyis dgongs pa ma 'khrol bar yun ring 'gyangs pa la/ rang lo bcu bzhi lon skabs rtsom pa thams cad kyi thog mar gyur pa'i 'jam dbyangs sa paN gyi sku bstod de brtsams nas myur du rab tu 'byung bar gsol ba btab pas/ lo de kho nar bsam don 'bad med du 'grub ste grub mchog 'jam dpal dbang po'i mtshan can las so sor thar pa dge bsnyen dang dge tshul gyi sdom pa legs par mnos shing / slar rang lo nyer gcig lon skabs rje btsun rgyal ba mus pa chen po'i drung du bsnyen par rdzogs pa dge slong gi sdom pa rnam par dag pa thob pa'i skal ba mchog dang ldan par gyur mod kyang / dus phyis gangs can gyi 'gro ba ma lus pa'i bde skyid kyi rtsa ba dpal sa skya'i sde bstan pa gdung brgyud dang bcas pa'i khur 'di rang ngos nas ngal ba lhur len ma bgyis na sa skya pa'i bstan pa mtshan gyi lhag mar nye bar dogs pa 'di kho na sems kyis ma bzod pa'i dbang gis/ rang nyid la lung rtogs kyi yon tan gang yang med kyang / rtsa brgyud kyi bla ma gong ma ye shes kyi