[A:4a]spyan ldan rnams kyi thugs dgongs rdzogs phyir dang / spyir sangs rgyas kyi bstan pa/ sems can gyi bde skyid/ lhag par dpal ldan sa skya pa'i bstan pa sde gdung brgyud dang bcas pa snying khong bcangs pas rang nyid gcig pu zhi bde don gnyer gyi blo rgyang ring du spangs/ theg chen sems bskyed kyi go bgos te lhag bsam bzang pos kun nas blangs pa'i nyan thos 'dul ba nas bshad pa'i bsnyen par rdzogs pa dang / dge tshul dang / tshangs spyod kyi bslab pa ji srid 'tsho'i bar du bsrung bar khas blangs pa de nyid de las nyams pa dang / phyis blang du med pa sogs kyi nyes pa mi 'byung ba'i phyir dam chos 'dul ba rang nas gsungs pa ltar gyi bslab pa 'bul chog tshul bzhin du bgyis te/ de yang gang la 'bul ba'i yul rang gi mkhan po'am/ bslab pa bgres pa'i dge slong la bya bar bshad kyang / sngon sngags 'chang chos kyi rgyal pos dpal sa skya'i dbu rtse rnying ma'i 'jam dbyangs gzi 'od 'bar ba'i drung du 'bul bar mdzad 'dug pa bzhin/ ye shes sems dpa' dngos dang khyad par med pa'i 'jam dbyangs kyi sku brnyan de nyid kyi drung du/ chos rje sa paN gyis dbu'i gtsug phud phul ba'i thub dbang rdo rje gdan chung ma sngar rang gis dge tshul sgrub dus skra phud phul ba'i ston pa'i sku de nyid bzhugs su gsol ba bdag cag gi mkhan po dang ngo bo gcig par mos pa'i blos de nyid kyi drung du gsol bzhi'i cho ga las thob cing khrims nyis brgya lnga bcu rtsa gsum gyi bdag nyid dge slong gi sdom pa dang / rang sdom bcu phyogs mthun dang bcas pa'i dge tshul