[A:4b]gyi sdom pa/ mi tshangs spyod spongs pa'i dge bsnyen gyi bslab pa rnams phul te/ rtsa ba bzhi chang dang lnga spong pa'i yongs rdzogs dge bsnyen du bzung bar gsol nas/ de phyin chad dge bsnyen rdo rje 'dzin pa'i ming btags tsam du khas 'che ba'i sdom rgyun gyi brgyud pa ni gong du bshad pa de dag gis shes so/ /'bul chog de ni bu ston rin po che'i 'dul TIka chen mo/ 'phags pa rin po che'i dngos slob rgya byang seng gi 'dul TIka shin tu gsal ba dang / sgra pa shes rab rin chen gyi 'dul TIka ngo mtshar can sgra TIka tu grags pa rnams la zhib tu dpyad cing / gzhan yang 'dul ba'i spyi TIka tshad thub du ma la brten nas mtha' chod par byas pa yin no// ! //yang rgyal ba gnyis pa rje btsun thugs rje can mus pa chen po buddha'i mtshan can de nyid kyi drung du/ byang chub sems dpa'i sdom pa mnos pa'i tshul ni/ mngon par rtogs pa rin po che'i ljon shing las/ bla ma gong ma rnams dbang gi sngon du thun mong ma yin pa'i skyabs su 'gro ba dang sems bskyed pa tsam mdzad ces gsungs pa de'i phyag len zur du phyung ba'i/ dbu sems kyi lugs las khyad par du 'phags pa/ slob dpon klu sgrub kyi rjes 'brangs jo bo nA ro ta pa la sogs pas bde mchog gi dbang gi sngon du mdzad pa dang / rnal 'byor dbang phyug gi rjes 'brangs jo bo ga ya dha ra la sogs pas kyai rdo rje'i dbang gi sngon du mdzad pas brgyud pa'i khyad par gnyis ldan gyi sems bskyed ces bya ba/ lta ba'i sgo nas dbu ma lugs kyi sems bskyed du bsdud pa tsam las/ theg chen thun mong ba'i mdo yi rjes su 'brangs pa ni ma yin