[A:8a]gi srung ba thun mong ba'i byin rlabs rnams legs par thob nas/ de rnams kyi rgyab rten tshad ma bzhi dang rjes su 'brel ba'i yig sna rnams kyi lung thob pa la/ thog mar bstan bcos rdo rje'i tshig rkang / de'i rnam 'grel rje sa skya pa chen pos mdzad pa bcu gcig nang nas tshig nyung la don rgyas pa gnyag ma yig chung dang bcas pa la deng sang lam 'bras glegs bam zhes mtshan du grags pa 'di'i nang na bzhugs pa'i chos kyi rnam grangs la/ rdo rje'i tshig rkang gi rnam 'grel gnyag ma dang / /gsal byed kun gzhi rgyu rgyud gdan sogs dang / /lus dkyil 'chi bslu bum dbang 'da' ka ma/ /thig le'i rnal 'byor phyag rgya'i mtshan nyid dang / /bzhi pa'i 'da' ka bar do'i gdams ngag dang / /lam dbang tshad ma bzhi dang gdams ngag drug /rten 'brel lnga dang grib sel yig chung gnyis/ /thig le srung ba yig brgya'i 'don thabs dang / /rlung sbyor bha ga'i yi ge 'khor bzhi'i rgya/ /dbang phyug don brgyad sa phyed mngon rtogs dang / /don bsdus ma ste nyi shu rtsa bzhi ni/ /bstan bcos nyid kyi steng du bshad bya 'o/ /de dag las 'phros gud du gsungs pa'i chos/ /'khor 'das dbyer med dbang bzhi'i man ngag gnad/ /mchog dbang bskur tshul bskyed rim bsdus pa dang / /ril bu'i sgrub thabs yum gyi byin rlabs dang / /gegs sel bzhi dang dbang chu sgrub thabs gsum/ /rtsa ltung 'khrul spong tshogs 'khor sbyin sreg ste/ /rtsa ba las 'phros chos sna bcu bdun pa las/ /phyi ma bdun po logs su bzhugs kyang rung / /'bring bsdus lam