[A:8b]gnyis gzhung shing chen po bzhi/ /rtogs bskyed chos lnga lam zab bla ma rnams/ /nyams myong tshad ma'i chos sna nyer dgu yin/ /lung gi tshad ma lung sbyor rnam pa bzhi/ /bla ma tshad ma rgya bod rnam thar gnyis/ /man ngag phra mor bcas pa drug bcu 'o/ /zhes pa ltar glegs bam dkar chag tu thebs pa'i chos sna drug cu las/ glegs bam 'dir cis kyang bzhugs dgos pa'i chos sna zhe dgu las/ dang po pa dang / thun mong du logs su bzhugs kyang rung ba'i chos sna bdun dang bcas pa legs par thos/ man ngag phra mo'i rkang grangs logs su bsgrigs pa mtshan po ti dmar btus su grags pa thob pa'i rnam grangs la/ thog mar bla ma tshad ma'i skabs su/ bla ma brgyud pa'i gsol 'debs rje pas mdzad pa/ de'i kha skong shar pas mdzad pa/ sa bir mjal ba'i lo rgyus rje pas sga thang la gnang ba/ nyams myong tshad ma'i skabs su gzhung ji lta ba bzhin dkri ba'i khrid yig rje pas bra ston la gnang ba/ smin byed kyi skabs su sangs rgyas spyan gyi rnal 'byor dang / aShTa'i bzlas lung sa chen gyis mdzad pa/ aShTa'i gzhi bshad sa paN gyis mdzad pa/ bdud rtsi ril bu'i sgrub thabs 'phags pas mdzad pa/ dbang gi rab dbye rje pa'i gsung las zhang btsun gyis bris pa/ rje pas sga ston la springs pa/ phyi nang gsang gsum gyi maNDal sa paN gyis mdzad pa/ de'i kha skong shar chen gyis mdzad pa/ lus sbyong nyi shu pa nor bzang gis mdzad pa/ lus gnad kyi man ngag dmar gyis mdzad pa/ bdag med ma'i byin rlabs rje pas mdzad pa/ gtum