R365: chos kyi rje dpal ldan bla ma dam pa rnams las dam pa'i chos ji ltar thob pa'i tshul legs par bshad pa zab rgyas chos kun gsal ba'i nyin byed/ {bod yig glog rdul dpe cha/}
[A:62a]rtog bdun gyi rnam bshad/ 'jam dpal/ mi g.yo ba/ sgrol ma rnams la bstod pa re re/ sgrol ma lha bcu bdun gyi dbang gi tho yig man ngag gces bsdus rin chen phreng ba/
'di'i nang na grub pa'i slob dpon so so las brgyud pa'i man ngag rnam grangs du ma yod cing / 'di sa chen rang rkyang pas mdzad pa min pa 'dra ste/ sked bar na rje btsun gyis mdzad pa'i phyag chen gces bsdus kyi nang tshan 'dra dang / mjug na sa paN gyis mdzad pa'i lam sbas bshad kyi man ngag 'ga' re yang 'dug sa skya pa rang gi man ngag snga phyi slob rgyun zhig gis phyogs gcig tu bsgrigs pa'i lung rgyun mkhan chen shes rdor bas gsan pa 'dir bcug pa yin pa 'dra/ 'di la 'gal ba med dam/
uShNa'i srung 'khor/ mahA ma ya'i rgyud stong phrag brgyad bcu pa nas gsungs pa'i bha ya na'i srung 'khor/ skyu ra a skyabs la zhu tshig bum gter bya thabs/ rdo rje phur pa'i mngon rtogs/ phur pa'i las byang / khyung khra'i man ngag bla ma mal nas brgyud pa dur khrod bdag po'i sgrub thabs las tshogs dang bcas pa/ bde mchog rtsa rgyud kyi Tikka mu tig phreng ba gnyan phul chung bas mdzad pa/ bde mchog lU hi pa'i 'bru 'bum gnyan gyis mdzad pa rnams legs par thos so/ /gnyan gyis mdzad pa 'dir yong ba yang sngar gyi rgyu mtshan dang mtshungs/ rje mus srad pa'i gsung las/ mu tig phreng ba 'di gnyan gyis mdzad zer yang brtag dgos gsungs shing / khong rang sa chen gyis mdzad par bzhed/ de ltar na 'di'i dbu phyogs na brgyud pa smos skabs/ rdo rje 'chang nas bla ma mal lo tsA ba la brgyud tshul gyi bar gsungs pa'i rjes su des bdag nyid kyi bla ma rtsod pa'i dus su rdo rje gdan pa theg pa