[A:62b]ston pa rnams kyi nang nas gtsug gi nor bu lta bur gyur pa las stod 'bro'i yul du sku 'khrungs pa/ mtshan brjod par dka' ba'i bdag nyid chen po la bshad do zhes gsungs pa 'di bla ma sa skya pa chen po yin nam min/ yin na sa chen gyis ma mdzad pa gzhir bzhag la/ min na sa chen gyi bla ma gang la ngos 'dzin/ pu hrang lo chung dang / su ma ti kirti ni 'khrungs yul gyi stabs kyis min pas/ sngar smos pa'i de ni sa chen nyid yin par shes par bya'o/ /bka' 'bum nang gi chos sna'i grangs lnga bcu nga bzhi yod/ 'ga' zhig gis sum cu rtsa lnga zhes pa'ang bshad/ 'di rnams kyi lung dang glegs bam phyogs gcig tu bsdebs pa dang po nas med kyang / dus phyis bla ma dam pa dpal ldan seng ge'i thugs dgongs rdzogs pa'i phyir du/ 'gro ba'i mgon po bsod nams rgyal mtshan dpal bzang po'i bkas bskul te/ mkhan po shes rab rdo rjes lung su yod la zhus shing / de nas mkhan chen rgyal ba bzang po/ mkhan chen byang chub seng ge thams cad mkhyen pa ye shes rgyal mtshan/ rdo rje 'chang kun dga' bzang po/ rgyal tshab kun dga' dbang phyug yongs 'dzin dkon mchog 'phel/ sa lo 'jam pa'i rdo rje/ yongs 'dzin dkon mchog lhun grub/ 'jam dbyangs dkon mchog rgya mtsho/ rdo rje 'chang sangs rgyas rgyal mtshan/ des bdag sa skya pa ngag dbang kun dga' bsod nams la'o/ ! /'jig rten dbang phyug gi sprul pa'i sku rgyal sras rin po che thogs med bzang po dpal gyi bka' 'bum thor bu ba'i rnam grangs la/ 'jam dbyangs 'khon ston thugs rje