[A:6a]po/ mkhas pa bai ro tsa na/ dpal chen sga lo/ bla ma sa skya pa chen po/ slob dpon rin po che/ rje btsun rin po che grags pa rgyal mtshan/ bla chen yar bsgom/ rgyal tsha lung mang po/ mkhas pa yon tan khri/ drin can seng ge bzang po/ yar klung pa seng ge rgyal mtshan/ 'jam dbyangs nam mkha'i rgyal mtshan/ bdag chen blo gros rgyal mtshan/ bla ma dpal ldan rgyal po/ mus chen sangs rgyas rin chen/ ngor chen dkon mchog lhun grub/ chos rje kun dga' mchog ldan/ 'bum chen kun dga' dpal 'byor/ des bdag sa skya pa ngag dbang kun dga' bsod nams la'o/ ! /yang chos kyi rje de nyid kyi drung du/ gsang sngags rnying ma'i chos skor 'ga' zhig thob pa la/ spyir yang gsang sngags rnying ma 'di la bka' gter gnyis las/ bka' ma'i dbang du byas na/ sa skya pa'i yab chos yang phur sogs dang tshul 'dra ba'i grub pa brnyes pa'i slob dpon so so nas bzung / da lta'i bar du brgyud pa bar ma chad du byon pa'i chos skor du ma zhig yod la/ gter ma la sgrub pa chen po bka' brgyad du yod pa las/ de yang bskyed pa mahA yo ga ste bskyed rim gtso bor ston pa/ gter kha gong mar grags pa chos rgyal khri srong lde'u btsan gyi rnam 'phrul mnga' bdag nyang ral gyis gter nas spyan drangs pa'i bka' brgyad bde gshegs 'dus pa'i skor dang / lung a nu yo ga ste rdzogs rim gtso bor ston pa'i gter kha 'og mar grags pa/ nyang ral gyi sprul pa gu ru chos dbang gis lho gter nas spyan drangs pa'i bka' brgyad gsang ba yongs