[A:6b]rdzogs kyi skor dang / bskyed rdzogs zung 'jug ston pa rig 'dzin rgod ldem gyis byang gter nas spyan drangs pa'i bka' brgyad drag po rang byung rang shar gyi skor dang / gzhan yang sprul sku bde chen gling pas gter nas spyan drangs pa'i bka' brgyad khro 'bar ma dang / padma gling pas gter nas spyan drangs pa'i thugs kyi me long la sogs pa bka' brgyad kyi skor mtha' yas pa zhig yod pa las/ de lta bu'i bka' brgyad yongs rdzogs kyi dbang bskur ba'i tshe/ dkyil 'khor rnam dag 'di ltar 'byung ste/ dbus su bdud rtsi yon tan che mchog rtsa ba'i dkyil 'khor/ shar du dpal chen badzra he ru ka yang dag thugs kyi dkyil 'khor/ lhor 'jam dpal sku'i dkyil 'khor/ nub tu padma gsung gi dkyil 'khor/ byang du phur pa 'phrin las kyi dkyil 'khor/ shar lhor mngon rdzogs rgyal po bla med he ru ka ma mo rbod stong gi dkyil 'khor/ lho nub tu bla ma rig 'dzin gyi dkyil 'khor/ nub byang du phyag rdor dregs pa kun 'dul 'jig rten mchod bstod kyi dkyil 'khor/ byang shar du drag po stobs ldan nag po dmod pa drag sngags kyi dkyil 'khor te dkyil 'khor dgu po 'di gzhal yas khang gcig gi nang du chug pa zhig 'byung ba yin la/ 'di rnams la lha grangs mang nyung mi 'dra ba du ma 'byung yang / phyi'i khyams kyi bka' srung sogs kun dril bas lha grangs bdun brgya dang nyer lngar grags pa nges pa yin la/ 'di kun gyi sgrub thabs dkyil chog dbang bskur sogs dpe steng nas nyams su len pa rnying ma ba rang gi lugs kyi phyag len gyi mchog yin te/ lugs 'di la mkhas pa'i snga