[A:16a]bor ni mgon po 'di nyid kyi chos skor 'phags yul nas spyan 'dren par byed pa po ni gnyan lo tsA ba chen po dar ma grags nyid yin la/ de nyid nas brgyud de byang gi phyogs 'dir man ngag gi bshad srol che cher rgyas par mdzad pa ni/ rje btsun sa skya pa yab sras brgyud par bcas pa dag yin pas lugs 'di ni snying por gyur pa'i man ngag tu bzung ngo / /de nyid kyi man ngag rnams gab 'khrugs 'thor ba'i skyon spangs pa'i phyir dkar chag tu 'god par bya ste/ tshul 'di la'ang brgyud pa rnam par dag pa gsum las 'ongs pa'i gdams ngag gi srol gsum mnga' ste/ ma hA paNDi ta 'bum phrag gsum pa nas brgyud pa dang / shrI paNDi ta ta thA ga ta rakShi ta las brgyud pa dang / kharsa pa Ni ri sul gyi rnal 'byor ma ku sa li chen mo nas brgyud pa'o/ /dang po ni/ mgon po gdong brnyan can nam/ las sbyor gyi mgon por grags pa nyid yin pa la de'i sgrub thabs kyi rtsa ba'i rgya gzhung slob dpon 'phags pa klu sgrub kyis mdzad pa paNDi ta 'bum phrag gsum pa dang gnyan los bsgyur pa/ rgya gzhung gi 'grel pa dri med don gsal 'jam dbyangs rgyal mtshan gyis mdzad pa/ mngon rtogs/ gtor chog 'khor mang gi mngon rtogs rnams bla ma gong mas mdzad pa/ las sbyor gyi gsal byed las kyi gsham bu brgyad pa'i yi ge gnyan gyis mdzad pa/ zhar la dpal mgon khyung zhal can gyi sgrub thabs gser gyi spu gri'i lag len gyi yi ge 'di la bla ma kha cig gdong brnyan can zer ba'i chos skyong zur pa zhig yin gyi/ zhal bzhi pa'i rigs ma yin zhes gsungs