[A:16b]par grags na'ang / de ni rigs pa ma yin pa'i tshul gzhan du shes par bya'o/ /gnyis pa ni/ bdag mdun mgon po zhal khra can nam/ bsgrub dus kyi mgon por grags pa la byed cing / las bzhi'i bye brag tu bsgrub tshul shin tu zab pa zhig snang ngo / /'di la rtsa ba'i sgrub thabs ta thA ga ta rakShi ta rang nyid kyis mdzad pa'i zhal bzhi pa'i dam tshig gi dngos grub bsgrub pa'i thabs zhes bya ba'i rgya gzhung dang / de la brten nas gnyan los mdzad pa'i lo rgyus dang / sgrub thabs kyi rim pa dang bcas pa yod cing / phal cher ni snyan brgyud kyi zhal shes la rag las par gsal lo/ /gsum pa la zab cing rgya che ba phyi'i sgrub skor/ rdo rje'i lus la gnad du bsnun pa gsang ba'am nang gi man ngag snying nang gi khrag lta bu khyad par gyi man ngag go /dang po la yid ches shing khungs btsun pa'i phyir du brgyud pa'i lo rgyus kyi yi ge nus ldan du bya ba rjes gnang gi yi ge rtsa bar gyur pa bsnyen sgrub las gsum gyi yi ge gsal byed du gyur pa lhan thabs yan lag gi yi ge 'phral du nye bar mkho ba gtor chog dang bskang ba/ bstod bskul gyi skor rnams so/ /dang po la lo rgyus kyi yi ge rgyas pa sa chen gyis mdzad pa/ 'phags pa rin po che'i gsung las byung ba'i lo rgyus kyi yi ge'o/ /gnyis pa rjes gnang gi skor la/ bla ma gnyan los mdzad pa'i rjes gnang gi yi ge rjes gnang kha 'ub pas mdzad pa/ sa chen gyis mdzad pa'i rjes gnang gi yi ge rjes gnang gsal ba rje btsun rin po ches mdzad pa/ rjes gnang shin tu rgyas pa'i nag po 'gro shes yar klung pa ldong ston seng ge rgyal