[A:23a]mi 'dra ba gnyis las/ brgyud de 'ongs pa'i man ngag mnga' ste/ ta thA ga ta rakShi ta nas brgyud pa dang / ri sul gyi rnal 'byor ma nas brgyud pa'o/ /dang po la ta thA ga ta rakShi ta nyid kyis mdzad pa'i rgya gzhung gi yi ge dang / de'i lag len bsnyen sgrub las gsum gyi yi ge bla ma gnyan gyis mdzad pa yod do/ /gnyis pa ri sul gyi rnal 'byor ma las brgyud pa la/ rtsa ba'i gzhung dang / de la brten pa'i man ngag gnyis las/ dang po ni/ sgrub thabs mchan bshad ces bya ba sngags dang bcas pa'o/ /'di la gsal byed kyi yi ge mchan dang / mahA kA la'i sngags kyi gnad ces bya ba sa gcod kyi yi ge dang / sngags them bstan pa dang / mchod pa'i de nyid bstan pa dang / sngags kyi kha skong sngags chad 'jug rnams yod do/ /gnyis pa de la brten pa'i man ngag la lnga/ lo rgyus kyi yi ge dang / mchod chog dang / rjes gnang dang / bsnyen sgrub las gsum gyi man ngag dang / man ngag phran tshegs rnams so/ /dang po la bla ma gnyan gyis chos skyong btsal ba'i lo rgyus kyi yi ge yod la/ gnyis pa mchod chog la/ rgyun du mchod pa gtor ma'i cho ga dang / khyad par du mchod pa kha skong gi cho ga'o/ /dang po la dpal gdong bzhi pa'i mgon po mchod pa'i cho ga gnyan gyis nye gnas dar ma seng ge la gnang ba/ de'i kha skong rdo rang byung gru gsum sogs 'god tshul/ gtso 'khor gsum ma'i sgrub thabs gnyan gyi man ngag gnam kha 'ub pas mdzad pa'i sgrub pa'i las khrigs/ sa chen gyis mdzad pa'i sgrub thabs/ bstod