[A:23b]'bum/ bskul rnams so/ /gnyis pa khyad par du mchod pa la/ ma hA kA la'i rten gzugs bsgrub pa'i man ngag gnyan gyis mdzad pa/ mdos chog gnam kha 'ub pas mdzad pa/ mdos gshom rgyas pa chos rje a nanda ma tis mdzad pa rnams so/ /gsum pa rjes gnang la/ bla ma gnyan gyi yi ge gcig rje btsun chen po'i yi ge gcig chos rje a nandas mdzad pa'i yi ge gcig rnams yod do/ /bzhi pa bsnyen sgrub las gsum gyi man ngag la/ bsnyen sgrub las gsum gyi man ngag dngos dang / de'i gsal byed kyi yi ge phra mo'o/ /dang po la gnyis/ yab yum sbrags pa'i bsnyen sgrub las gsum dang / yum gyi bsnyen sgrub las gsum mo/ dang po la gtso 'khor gsum pa la brten pa'i bsnyen sgrub mnan gsum gyi man ngag gnyan gyis mdzad pa/ gtso 'khor gsum lnga gnyis ka'i bsnyen sgrub las gsum/ de'i gsal byed kyi yi ge rnying pa/ mgon po bsgrub dus kyi las khrigs/ de gnyis ka'i gsal byed bsnyen sgrub las gsum gyi las khrigs chen mo/ yang bsnyen sgrub las gsum gyi las khrigs nag po 'gro shes su grags pa chos rje gzungs pas mdzad pa rnams so/ /gnyis pa yum gyi bsnyen sgrub las gsum la/ yum srin mo las mkhan sgrub thabs gnyan chig brgyud ma'o/ /gnyis pa gsal byed kyi yi ge phra mo la gnyis/ thun mong du gsal byed dang / so sor gsal byed do/ /dang po ni/ gnyan gyi gdams pa drug pa dang / zhal gdams don lnga ma dang / 'di'i khyad par gyi dam tshig dang / chos skyong bsten thabs dang / gtor ma bca' thabs